CALASIAO, Pangasinan - Namahagi ang Pamahalaang Panlalawigan ng abot sa 1,000 food packs at 145 hygiene kits sa 169 pamilya o 646 indibidwal mula sa mga barangay ng Lasip, Gabon, Lumbang, Poblacion East, Mancup, Talibaew, Malabago, Nalsian, at Banaoang dito.
 |
|
RELIEF OPS. Pangasinan Governor Ramon V. Guico III gives a pep talk to the 646 evacuees ensconced at the Calasiao Sports Complex in Calasiao, Pangasinan. Seventeen villages of the town are under the State of Calamity after Typhoon Crising and the southwest moonson flooded them. The Governor is joined at his back by Vice Mayor Kevin Roy Macanlalay, Vice Governor Mark Lambino,3rd District Board Member Shiela Ferrer-Baniqued, and Mayor Patrick Caramat. (Mortz C. Ortigoza) |
Bukod dito, nagsagawa rin ng libreng serbisyong medikal sa tulong ng Pangasinan Provincial Hospital. Hatid naman ng Guicosina Meals on Wheels ang mainit na arroz caldo.
Ang relief operation ay pinangunahan nina Pangasinan Governor Ramon V.
Guico III, Vice Governor Mark Lambino, 3rd District Board Member Shiela
Ferrer-Baniqued, Calasioa Mayor Patrick Caramat, Vice Mayor Kevin Roy
Macanlalay at iba pang opisyal ng dalawang local government units upang agad na
matugunan ang pangunahing pangangailangan ng mga evacuees.
Kasalukuyang nananatili sa
Calasiao Sports Complex ang mga evacuees.
Isinailalim na sa State of Calamity ang bayan ng Calasiao kung saan 17
barangay ang lubog pa rin sa baha at higit 18,000 residente na ang apektado.
Ani Col. Rhodyn Luchinvar Oro (Ret.), Hepe ng Provincial Disaster Risk
Reduction and Management Office (PDRRMO), na merong 952 pamilya, o mahigit
kumulang na 3,000 katao ang pansamantalang nakatira sa iba’t ibang evacuation
centers sa mga bayan ng Calasiao, Mangatarem at Urbiztondo dahil sa kalamidad
na nabanggit. (Mortz Ortigoza at Danna Laureano |PIMRO)
No comments:
Post a Comment