De Venecia, Guico Nagsanib Pwersa

 Ni Mortz Ortigoza

Ang matriarch ng makapangyarihang pamilyang political sa isang congressional district sa Pangasinan ay nakipagsanib pwersa na kay Governor Ramon V. Guico III para sa susunod na taong eleksyon.

POLITICAL ALLIANCE. Pangasinan Governor Ramon Guico III raises the hand of former Pangasinan 4^th District Cong. Gina de Venecia for the political alliance they formed. De Venecia will be reclaiming her old post on the May 12, 2025 election after her son Cong. Christropher de Venecia will finish his three-term or nine years in office on June 30, 2025.

Ani Guico na nakipagpulong sa kanya si dating Pangasinan 4^th District Cong. Gina de Venecia kung saan ang huli ay magiging kasapi na ng Alyansang Aguila. Ang alyansa na kinabibilangan ni Guico, Vice Governor Mark Ronald Lambino, 1^st District Rep. Art Celeste, 2^nd District Rep. Mark Cojuangco, 4^th District Rep. Christopher de Venecia, 5^th District Rep. Monching Guico, at Department of Agrarian Reform Secretary Conrad Estrella ay namamayagpag sa koridor ng kapangyarihan sa dambuhalang probinsiya.

“Nakasama namin sa pagpupulong ang aking ama, si 5th District Congressman Ramon “Monching” Guico Jr., upang lalong pagtibayin ang alyansa sa pagitan ng mga de Venecia at Aguila,” ani ng Gobernador.

Si De Venecia – mas kilala sa tawag na Manay Gina - ay maybahay ni former Five-Time Speaker of the House of Representatives Jose de Venecia at ina ni incumbent 4th District Rep. Chistopher.

Ang mga De Venecia ay matagal ng kasanib pwersa sa pulitika ni dating Gobernador Amado Espino, Jr. at dating Gobernador Pogi Espino. Ang huli ay tinalo ni Guico noong May 9, 2022 election.

Si Pogi ay nakikita ng mga political observers na lalaban uli sa pagka gobernador sa kay Guico sa susunod na taong eleksyon.

Ang pagsama ni dating Congresswoman De Venecia ay lalong magpapalakas sa Alyansang Aguila at maging kawalan lalo sa mga Espino dahil ang mga alkalde ng mga bayan ng Mangaldan, San Fabian, San Jacinto, at Manaoag kung saan ang katapatan nila ay sa mga De Venecia ay siguradong kasama na rin ng Aguila.

Bukod sa bayan ng Bautista at Bugallon at siyudad ng Urdaneta, lahat ng alkalde sa two cities at forty-two towns ay susuporta kay Guico sa susunod na taong eleksyon.

Kamakailan nakikita sa social media na ang lima sa anim na alkalde ng Pangasinan 3rd District – pinakamalaking distrito sa anim na distritong probinsiya – ay kasama na ni Guico sa Partidong Nationalista niya. Sila ay sina Bayambang Mayor Mary Clare Judith Phyllis Jose Quiambao, Sta. Barbara Mayor Carlito Zaplan, Calasiao Mayor Kevin Roy Macanlalay, Mapandan Mayor Karl Christian Vega, at Malasiqui Mayor Noel Geslani.