Banat ni VM Kay Konsehal: Wala Akong Batas na Nilabag

  

Ni Mortz C. Ortigoza

 BINMALEY, Pangasinan – Pinabulaanan ng Bise Alkalde ng first class coastal town na ito ang akusasyon sa kanya noong harapang ipamukha ng isang mambabatas dito ang mga ilegal na kontrata na pinasok niya.

FEUDING. Binmaley Vice Mayor Simplicio “Sammy” Rosario (left photo and clockwise), Liga ng Barangay President and Councilor Butch Merrera and Mayor Pedro “Pete” Merrera.

“Doon sa sinabi ng government procurement (hindi) bawal e ang elective official can participate sa bidding ng government agency. Exempt kung ikaw ay mayor o may participation ka sa bidding procedure. Kasi naka kontrata ka pondo ng munisipyo ng Binmaley di puede iyan. Pondo ng school board di rin ako puede diyan basta ang implementing agency diyan ang LGU, iyong mayor ako wala ako diyan. Iyan ang conflict of interest nakalagay diyan,” sagot ni Vice Mayor Simplicio “Sammy” Rosario sa Northern Watch Newspaper kamakailan nang kapayanamin siya sa reaksyon niya noong akusahan siya ni Barangay Liga President at Ex. Officio Councilor Butch Merrera sa Sanggunian Bayan sa isang session nila.

Pumutok ang butse ni Merrera noong mag-privilege speech si Rosario na binatikos na hindi nilagyan ng mga mayoryang mga konsehales -- na mga kakampi ng kapatid niyang si Mayor Pedro Merrera – ng pondo ang materials recovery facility (MRF) dito kaya patuloy pa rin ang problema sa basura. Ani Merrera hintayin na lang ni Rosario na manalo siya sa susunod na eleksyon kung saan doon siya magreklamo.

Si Rosario ay dating isang dekada at kalahating alkalde dito at dahil sa alitan nila ni Mayor Merrera – na tumalo sa anak niyang si Jonas noong May 2022 mayorship election - humantong sa palitan ng mga asunto sa Sanggunian Panlalawigan at sa Ombudsman ng dalawang pinakamataas na elective opisyal dito.

 Nagpahayag si Rosario noong nakalipas na mga buwan na babawiin niya ang “trono” sa bayan na ito kay Merrera sa darating na May 12, 2025 election.

Masasakit at mabibigat na mga salita at akusasyon ang mga binitawan ni Councilor Merrera matapos mag privilege speech ang Bise Alkalde.

“Iyong mga kontrata ninyo na P170 million that’s conflict of interest, you know that? Iyong kontrata ninyo na P150 million, that’s conflict of interest, you know that? Iyong kontrata ninyo diyan sa (Barangay) Nagpalangan that’s a conflict of interest. Kumukontrata kayo, vice mayor kayo! Kumokontrata kayo mayor kayo, that’s conflict of interest!” batikos sa kanya ni Councilor Merrera sa loob ng Sanggunian.

Pinabulaanan ni Rosario na ang contract firm na Jojalyn – kung saan siya ang may-ari – ay may nilabag na mga batas.

Aniya ilang floors ng seven storeys na building sa Region-1 Medical Center (R-1MC) sa Dagupan City na kanyang ginagawa ay hindi na saklaw ng kanyang opisina kaya walang paglabag sa Government Procurement Reform Act at iba pang batas sa Pilipinas.

Nakasaad sa NPA No. 061-2017 ng Government Procurement Policy Board Technical Support Office na ibinigay sa diyaryong ito ni Rosario na: “As a general rule an entity owned and/or managed by an elective official can participate in the procurement oppurtunities of government provided that it complies with all the requirements prescribed under the 2016 revised Implementing Rules and Regulations (IRR) of Republic Act No. 9184 or Government Procurement Reform Act”.

Binanatan din ni Rosario si Konsehal Merrera sa mga akusasyon niya noong may interbyu siya ng Northern Watch Newspaper.

“May kontrata kasi ako e. Siguro baka naiingit siya sa Dagupan. Bakit siya naiingit? Di mangontrata rin sila mangontrata rin siya sumama siya sa bidding kung meron siyang lisensya,” jabbed ni Rosario kay Merrera.