Motibo ng Save Sual Movement kaduda-duda

Kaduda-duda diumano ang motibo ng grupong Save Sual Movement na sa una ay tutol sa pagtatayo ng  isa pang coal-fired power plant sa bayan ng Sual.

Balitado  na pansamantalang iniurong ng Trans-Asia Energy Development Corporation-PHINMA ang naturang proyekto at ito’y inaangkin ng Save Sual Movement na kanilang tagumpay.

Nagtataka ngayon ang mga residente ng Sual kung bakit walang humpay pa rin ang paninira ng naturang grupo sa liderato ni Mayor Roberto “Bing” Arcinue.

Matapos ang power plant project, tinutuligsa naman ngayon ng Save Sual Movement ang pagpapatayo ng pagamutan para sa mga mamamayan ng Sual, ang pagpapagawa ng municipal wharf at seaport, maging ang pamimigay ng libreng patubig, binhi at abuno sa mga magsasaka.

“Malinaw na politically motivated ang pakay ng  Save Sual Movement at hindi ang environmental protection,” paliwanag ng isang punong barangay na ayaw ng bangkitin ang pangalan sa takot na gawing ex-kumonikado ng isang pari na kasabwat ng naturang grupo.

Dahil sa pag-urong ng Trans-Asia Corporation, nawalan ang bayan ng Sual ng humigit-kumulang sa P400 million real property tax na sana’y tanggapin ng municipal government.

Sa ilalim ng memorandum of agreement na nilagdaan ng municipal government at ng Trans-Asia, magkakaroon ng tuloy-tuloy na supply ng kuryente ang naturang bayan sa mas mababang presyo.

Magbibigay din ng P100 million na grant ang Trans-Asia sa bayan ng Sual, at P10 million sa barangay Baquioen na kung saan dito sana ipapatayo na naturang planta ng kuryente.

Muntik na ring mawalan ng magandang kinabukasan ang walong kabataan na engineering scholars ng Trans-Asia na pumayag kay Mayor Arcinue na ituloy ang scholarship grant ng mga ito.

Dahil sa pangyayaring ito, dalawang beses na  pinatawag ng Sangguniang Bayan ang mga opisyales ng Save Sual Movement upang linawin ang kanilang pakay sa pagsasalungat sa mga development programs at mga proyekto ng alkalde.

Subali’t dawalang beses ding hindi sumipot ang mga opisyales ng naturang grupo na pinamumunuan ng isang Rosanna Tandoc Soriano, kasama ang dating vice mayor ng Sual na si Alex Rigonan at pari na si Alfred Viernes.

Marami tuloy ang nanghinala na kung kaya’t hindi sumipot ang mga opisyales ng Save Sual Movement sa mga naturang public hearing, ay natatakot silang matanong kung totoong nanghihingi ang mga ito ng donasyon mula sa mga taga-Sual na naninirahan sa ibang bansa.

“Seguro natatakot silang mabuking at mapilitang maglabas ng accounting ng perang tinatanggap  nila mula sa aming kababayan na nasa ibang bansa,” ang sabi pa ng naturang punong barangay.

Lumabas din ang haka-haka na isa diumano sa mga opisyal ng naturang grupo ang nagkukunwaring tutol sa power plant, subalit naghihintay lamang na siya ay ipapatawag para alukin ng datung at manahimik na lamang.

Ito umano ang kanyang raket kung kaya’t hindi na nakabalik sa government service.

Tulad siya diumano sa mga pekeng media na kung tawagin ay “Attack-and-Collect”  na media.

Itong dating opisyal ng bayan ay mahilig lumapit sa mga media practitioners at malimit na napagkakamalang media kuno.

Ayon sa naturang barangay captain, ginagamit ang media ng nasabing dating opisyal  ng bayan sa kanyang raket na attack-and-collect. (PRESS RELEASE)