Goodbye Guo Tayo Pagnakasampa siya sa Militia Ship ng China

 Ni Mortz C. Ortigoza

Dahil sa nonbailable na kasong Qualified Trafficking na inisampa laban kay Bamban, Tarlac suspended Mayor Alice Guo ng Presidential Anti-Organized Crime Commission (PAOCC),  hindi ako magugulat na tuluyang maglaho na siyang parang bula sa Senate hearing dahil siya ay nakatakas sa pamamagitan ng Chinese maritime militia ship pauwi ng kanyang tunay na inang bayang sinilangang China.

Bukod sa kasong heinous na Qualified Trafficking, nahaharap rin si Guo sa mga criminal complaint na Anti-Graft and Corrupt Practices Act at Administrative Cases gaya ng grave misconduct, serious dishonesty, gross neglect of duty, at conduct prejudicial to the best interest of the service.

FLIGHT, ER, SAIL RISKS. Bamban, Tarlac beleguered Mayor Alice Guo (left) and some of the 135 Chinese maritime militia ships in the Juan Felipe Reef or Whitson Reef in the Spratly Islands. Mainland China controls the Reef. Left photo is PCG file

 

Determinado ang gobyerno na tanggalin sa puwesto si Guo gaya ng Solicitor General na nagsampa na ng Quo Warranto para patunayan na hindi siya mamayan ng Pinas at ni peke lamang niya ang birth certificate niya.

Kahit na mahigpit na mino-monitor ng Inter-Agency Council Against Trafficking sa pamamagitan ng immigration lookout bulletin order (ILBO), ang suspendidung alkalde dahil sa Ombudsman, ay kaya niyang takasan ang mga awtoridad sa pagamit sa daungan o karagatan ng Sual, Pangasinan, Palawan, western Pangasinan gaya ng sa Infanta, at Zambales Province.

Ang ILBO, siya nga pala, ay ginagamit lamang sa pag monitor at hindi instrumento para pigilan ang pag-alis ng suspect sa bansa natin patungong ibang dako.

Ang alkalde ng Sual ay si Mayor Liseldo “Dong” Calugay na alleged boyfriend ni Mayora Alice ayon kay Senate Committee on Women, Children, Family Relations, and Gender Equality Vice Chairman Senator Jinggoy Estrada at pinangalanan ni lawyer-vlogger Berteni "Toto" Cataluña Causing na allegedly gumastos ng P1 billion na loan sa Land Bank of the Philippines ng local government of Sual para ipatayo ang mga buildings ng Pogo sa Bamban. Totoo ba ito, Mayor Dong?

Inaakusahan rin siya na administrator ng Pogo sa Bamban.

Panoorin niyo ang video sa YouTube ni Toto Causing dito na may pamagat at link na:

“Copy of Power of Love – Mayor BF ni Alice Guo, Inutang Bayan ng Sual ng P1-B Ikapital sa Pogo? https://www.youtube.com/watch?v=QkncJEKZL3M

Kayo na dear readers ang humusga pagkatapos niyo mapanood ang mga pinagsasabi ni Attorney Toto Causing – ang akon nga kasimanwa sa Mindanao -  gaya sa mga banat niya kay fugitive former Director-General of the Bureau of Corrections Gerald Q. Bantag na principal suspect sa pagpaslang kay online vlogger Percy Lapid (real name Percival Carag Mabasa) noong October 3, 2022.

***

Nakitaan ng National Bureau of Investigation (NBI) noong pagsusuri nila noong June 25 to 27 na ang fingerprints ni Guo ay tumutugma sa isang Chinese woman na si Guo Hua Ping – iba ito sa Guwapings na pelikula na pinangungunahan nila Mark Anthony Fernandez, Eric Fructuoso at John Estrada.

Ang Dactyloscopy Report ng NBI ay nagkumpara sa fingerprints ni Alice sa kanyang Alien Fingerprint Card na kinuha sa NBI master files dated March 28, 2006 at sa kanyang biometric printout sa NBI Information and Communication Technology Division noong March 10, 2021.

                                                                                   ***

Pagnakulusot si Guo sa Sual at dumiretso sa Scarborough Shoal (mga 18 oras na paglalakbay sa sasakyang pandagat), o mas malayong Kalayaan  o sa Spratly, nalusutan na niya ang Philippines government na may reputasyon sa kawalan ng kakayahan sa pagbabantay sa mga high level criminal suspects gaya ni Negros Oriental former Congressman Arnie Teves. Pag dating sa mga lugar na iyon sasampa lang si Guo sa isa sa mga di mabilang na Chinese maritime militia ships at mga barkong pandagat ng China at magsalitang Intsik – yari na tayo dahil nawala na ang isang high level na dorobo at alleged spy ng Beijing.