Mga Overpriced Projects ni Mayor Bauzon – Roy

Calasiao, Pangasinan Mayor Joseph Arman Bauzon

 By Mortz C. Ortigoza

CALASIAO – Kahit na tinapyasan na ng Land Bank of the Philippines ang loan dahil sa mga overpriced na mga projects, nakitaan pa rin si Mayor Joseph Arman Bauzon ng mga proyekto na overpriced, ani ex-mayor Roy Macanlalay.

“Ngayon ang Land Bank pag may loan ka nire-review nila ang program of works mo. Ito ang nakapagtataka, the same projects amounting to P165 million. Alam mo magkano ang kinaltas sa P165 million? Kinaltasan kasi over priced Iyong program nila sa lahat ng projects nila, the same project ang nakalagay diyan kinaltasan ng Land Bank kasi overpriced ng P40 million,” aniya.

Ang mga projects na nakitaan ng anomalya sa ilalim ng halos tatlong taon ni Bauzon sa posisyon ay  “shallow tube wells, construction of additional P20 million ng slaughter house, iyong livestock market, backhoe,” dagdag ni ex-mayor Macanlalay.

Diin ni Macanlalay na iyong P24 million halaga ng malaking backhoe ay mabibili lamang ng P6.8 million at iyong maliit naman ay P5 million

Ang shallow tube well ay ginawan ng salamangka.

“Biro mo dito sa one-and-a-half na tubo isa at kalahating piyesa o isang piyesa lang nakakakukuha na ng tubig para sa shallow tube well patubig. Ang naka program tatlong tubo. Imagine mo, tatlong tubo ang ilalagay mo samantalang ang actual isa at kalahati lang. So magkano ang ipinatong? Tanong ni Macanlalay.

Ani Macanlalay sa dapat na 256 recipients’ ng well nilagay nila Mayor Bauzon na 128 lang ang nakatangap.

“So magkano ang tubo sa de kuatro, de sais? Malaking pera iyan!”

Ani Macanlalay sa 15 years nila ng anak niyang si Mark Roy na nanungkulan, sila ay umutang lamang sa banko ng more or less P130 million.

“Nasunogan tayo. Umutang kasi gusto nating tapusin ang sport’s complex, umutang tayo ng magpagawa ng public market iyong maliit liit lang. So all in all P130 million lang”.

Wika pa nito, nabawasan na iyon ng kalahati o P65 million.

Banat ni Macanlalay si Bauzon, na pamangkin niya sa pinsan, ay may mahigit kumulang na P200 million na utang sa banko.

“No. 1 na sa Pangasinan sa utang (ang Calasiao)! P15 million plus P120 million equals P135 million plus P60 million equals (almost) P200 million”.

Kakasuhan ba nila ng Anti-Graft & Corrupt Practices Act si Mayor Bauzon at mga kasabwat nito sa mga nasabing anomalous transactions pag nanalo si Mark laban kay  Bauzon sa May 13 election?, tanong nitong diyaryo.

“Grave abuse of authority. Iimbestigahan ng Ombudsman iyan bakit kailangan magtayo ng another P35 million na ginawa lang ng Macanlalay P15 million. Inabuso klarong klaro," madiin na sinabi ni dating mayor Roy sa iskandalusong, nakakasulaok, at umaalingasang sa bahong second P35 million slaughter house na pinagawa ni Bauzon.

READ MY OTHER ARTICLE:

P35-M Inabuso ni Calasiao Mayor Bauzon - Macanlalay