Panawagan ni mayor sa mga kontrabida sa bayan ng Sual

SUAL, Pangasinan – "Huwag kayong kontrabida sa mga mamamayan ng Sual".

Ito ang panawagan ni Mayor Bing Arcinue sa mga mahilig kumuntra sa mga isinusulong nitong mga proyekto at programang pangkaunlaran tulad ng ospital, international seaport, at power plant.

SENIOR CITIZEN’S BUILDING – Sual, Pangasinan Mayor Roberto “Bing” Arcinue (upper photo) does the customary ribbon cutting of the opening of the new Senior Citizen’s Building (lower photo) in the rustic Western Pangasinan’s town. Because of the hundreds of millions of pesos of revenues from the  1,218 megawatt Coal Power Plant, biggest in the country, and other huge businesses mostly aquatic resources that put shop there the people of the town have tremendously benefit on the social and infrastructure services where each of the 19 of its villages has been given a brand new Toyota L-300 utility van, brand new mini-dump truck, a newly constructed 10 bed rooms hospital with one doctor and two consultant doctors to boot and three more surgeons to be hired, free medicines for the people, and almost all roads in this town proper and barangays are paved and concretized. TEXT BY MORTZ ORTIGOZA, PHOTO JOHVEN LLAMAS  mas

Binabatikos ng mga kontrabida sa first class town dito, kabilang na ang tinatawag na Save Sual Movement, ang pagpapatayo ng primary hospital sa barangay Caoayan dahil ito raw ay itinayo sa lupa na pagmamay-ari ng mga Arcinue.

Ang naturang pagamutan ay itinayo sa pamamagitan ng pondo galing sa Department of Health na nagbigay sa bayan ng Sual ng sampung milyong peso.

Nagkaroon ng problema dahil ang pagtatayuan sana ng ospital ay sa gilid ng bukdok na hindi aprubado ng DOH.

Dahil dito kaagad nag-donate ang pamilya Arcinue ng humigit-kumulang sa 2,200 square meters para lamang matuloy ang pagpapatayo ng naturang ospital.

Sinabi ng alkalde na hindi tanga ang mga opisyal ng DOH na magpapatayo ng government hospital sa isang pribadong lote.

“Sa katunayan meron ng Deed of Donation pati na rin titulo ang loteng kinatatayuan ng ospital at ito ay nakapangalan sa municipal government ng Sual,” sabi ni Mayor Arcinue.

Hinikayat ng alkalde ang mga mga kontrabida sa progressive town na ito na magsagawa ng kahit kaunting pananaliksik bago bumatikos sa kanyang pamahalaan at nang hindi sila pagtawanan ng kanilang mga kababayan.

Umaasa si Mayor Arcinue na matutuloy na sana ang pangalawang coal-fired power plant na balak ipapatayo sa bayan na ito upang magkaroon ng sapat na pondo para tuluyan ng mabuksan ang nasabing ospital.

Kinakailangan ang malaking pondo bawat taon para sa sahod ng mga doctor, nurses, medical technologists, utility workers, security guards at mga laboratory facilities, gamut at iba pang miscellaneous expenses.

Nakatakdang magbabayad ang operator ng pangalawang power plant sa bayan  ng humigit-kumulang sa four hundred milyon pesos bawat taon at dito kukunin ang pangtustos sa operation na naturang ospital.