Mga kontrabida sa Sual hinamon ni mayor ng debate

 SUAL, Pangasinan- Hinamon ni Mayor Roberto Arcinue ng debate ang mga kumukontra sa mga isinusulong nitong programa at proyektong pangkaunlaran, tulad ng power plant, international seaport, hospital, libreng abuno at patubig sa mga magsasaka at marami pang iba.

“Kahit saan sabihin lang nila kung saan kami mag-debate. Haharapin ko sila,” sabi ni Mayor Bing Arcinue.

TIRELESS - The tireless Sual, Pangasinan Mayor Roberto "Bing" Arcinue in one of his countless consultations with his constituents in the Western Pangasinan's town. Under the stewardship of Arcinue and his predecessor former Mayor John Arcinue, his son, Sual was catapulted to the No. 4 richest town in the Philippines. TEXT: MORTZ C. ORTIGOZA

Ang hamon ng debate ay ginawa matapos ikalat sa social media ng mga tinaguriang kontrabida sa Sual na ayaw humarap sa isang public debate tungkol sa samot saring issue ang alkalde.

Mariing pinabulaanan ito ni Mayor Bing Arcinue, bagkos sinabi nito na ang mga kontrabida sa Sual ang takot na takot na humarap sa  debate dahil pawang kasinungalingan at haka-haka lamang ang kanilang sinasabi. Katulad ng sinasabi ng mga kontrabida na kinsenas at katapusan lamang pumapasok sa opisina ang mayor upang kunin daw ang sueldo.

“Ito ay isang kasinungalingan dahil halos araw araw ay pumapasok sa office namin si mayor. Kung minsan nga nalilipasan na ng gutom si mayor dahil sa dami ng kinakausap at trabaho,” sagot ni Catherine Bonzo, isang empleyada sa munisipio.

Sinasabi pa ng mga kontrabida, kabilang na ang mga opisyales ng Save Sual Movement, na marami ng nagkakasakit at namatay dahil sa pollution na dulot ng Sual coal-fired power plant.

Hinamon ni Mayor Arcinue ang mga kontrabida na magpalabas o magpakita ng katibayan na nagdudulot ng pollution ang nasabing planta ng kuryente at kaagad nitong ipapasara.

“Matagal ng sinasabi ng mga iyan (Save Sual Movement) na nagdudulot ng pollution ang power plant pero hanggang ngayon wala pa silang maipakitang ebidensiya,” sabi ng alkalde.

Idinagdag ng alkalde na dalawang beses ng inanyayahan ng Sangguniang Bayan ang mga opisyal ng Save Sual Movement upang magpaliwanag pero wala ni isa man lamang ang nagpakita.

Sinabi pa ng alkalde na wala ng naniniwala sa Save Sual Movement dahil halos 99 percent ng mga mamamayan ng Sual ay pabor sa power plant dahil nagbibigay ito ng libu-libong trabaho at milyon-milyong real property taxes sa bayan ng Sual.

Ito ay madagdagan kung maipatayo ang pangalawang power plant sa nasabing bayan na magbibigay ng karagdagang libu-libong trabaho at humigit-kumulang sa four hundred milyon pesos na real property tax bawat taon. Ang pangalawang power plant ay nagkakahalaga ng humigit kumulang sa two bilyon US dollars.