Walang air pollution sa bayan ng Sual

SUAL, Pangasinan – Noong una, walang water pollution. Ngayon naman, walang air pollution.

Ito ang lumabasa sa pagsusuri ng AECOM PHILIPPINES, Incorporated,  isang kilalang international research at consultancy  firm.

Ang pagsusuri ay batay sa pamantayan ng Department of Environment and Natural Resources at  isinagawa ng naturang kompanya  kamakailan sa bayan ng Sual kaugnay sa operation ng Sual Coal-Fired Power Plant.

.

Isinagawa ng AECOM Philippines ang pagsusuri sa labing-isang tinatawag na critical receptor sites sa iba’t ibang lugar sa bayan dito.

  Ito ay nababatay  Administrative Order No. 2000-81 Air Standards and Guidelines ng Department of Environment and Natural Resources at ng National Pollution Commission na nagpapatupad sa National Ambient Air Quality Standards.

 Ang mga kinuhang samplings ay ang  Total Suspended Particles (TSP), Particulate Matters (PM), Gaseous Pollutants tulad ng Nitrogen Di0xide at Sulfur Dioxide at Coarse Particulate.

Ang mga naturang samplings ay nakukuha sa pagsusunog ng fossil fuel tulad ng coal, fuel oil, diesel at gasoline, at mga iba’t ibang uri ng alikabok na sumasama sa hangin.

Kabilang sa mga monitoring areas ay Sitio Longos sa barangay Pangascasan, Resettlement Area sa Poblacion, Pangascasan Integrated School, Ash Disposal Area ng power plant, Bangayao Point, Cabalitian Pier, Cabalitian Amianan, Masamerey, Baybay Elementary School, Napo-Logolog Elementary School, at Baybay Sur.

Ito ang resulta ng naturang pagsusuri ng AECOM Philippines sa air quality monitoring sa bayan dito:

“All stations are within the standards set by Department Administrative Order No. 2000-81 or the National Ambient Air Quality Standards, and in terms of Total Suspended Particles concentration, the air quality in the ambient air quality monitoring stations is good based on DAO 2000-81.”

Sinabi ni Mayor Roberto Arcinue na magandang balita ito sa mga mamamayan ng Sual dahil naayon ito sa planong pagpapatayo ng pangalawang coal-fired power plant sa naturang bayan.

Ang second power plant ay magbibigay ng mahigit isang libong trabaho sa mga mamamayan at humigit-kumulang sa walong-daang milyong peso na real property property tax para sa probinsiya, bayan dito at barangay Baquioen na kung saan balak ipapatayo ang nasabing planta ng kuryente.

Ito ay gagamitan ng pinaka-modernong technology na kung tawagin ay ultra-super critical coal-fired power plant na tinaguriang “High Efficiency Low Emission (HELE) Technology”  at “green technology”.

Ito ay may kakayahang bawasan ang greenhouse gas emission ng 45 percent.   ###