Biker’s Den ni CDV, pinapakinabangan na!

Isang malaking biyayang maituturing ng mga bike enthusiasts ang ipinatayo ni 4th District Congressman Christopher de Venecia na multi-purpose Biker’s Den sa Barangay Inmalog Sur, San Fabian. 

Makabuluhan ang pasilidad na ito bilang bahagi ng sports tourism program ni Congressman de Venecia at pagkilala din sa Pangasinan bilang “cradle of world champions and record holders in cycling”.

 Pinakikinabangan ito ng iba’t-ibang mountain bike cyclists mula sa iba’t-ibang grupo hindi lang sa Pangasinan kundi maging sa karatig probinsya na dumadayo pa sa Biker’s Den bilang bahagi ng kanilang regular na ehersisyo, lalo na tuwing Sabado at Linggo. 

Lahat sila ay manghang -mangha sa ganda ng Biker’s Den na siyang kauna-unahan sa Pangasinan. Inaasahan din ito na mas magpapalakas din ng turismo sa San Fabian. 

Ipinatayo ito ni Congressman de Venecia ang Biker’s Den upang buhayin ang interes ng mga kabataan sa sports o palakasan, lalo na ang cycling, at para maipakita rin sa mga lokal na turista ang ganda ng San Fabian.

 Mayroon itong magandang landscape, mga restrooms at shower area at mga bike rails kung saan pwedeng ilagay ang mga bisikleta habang nagpapahinga ang mga bikers. 

Iba pang proyektong pang-turismo ni Rep. CDV sa San Fabian bukod sa paghikayat sa mga investors gaya ni G. Ramon Ang na planong lumikha ng isang multi-million business hub sa San Fabian, kasalukuyan ding tinututukan ng kongresista ang pag-develop sa tourism industry ng nasabing bayan.

 Sa kasalukuyan ay tinatapos na ang San Fabian Baywalk sa dalampasigan ng San Fabian. Seventy-five percent na ang natapos sa nasabing baywalk, na puwedeng gamitin ng mga namamasyal o ng mga nagbibisikleta at nagdya-jogging. 

Ito ay lalagyan ng magandang soft scape, mga halaman at ilaw upang maging kaakit-akit sa sinumang mamasyal sa San Fabian beachfront. 

Isa rin sa tinututukan ng kongresista ang mga farm sites na puwedeng gawing tourist attraction, gayundin ang mga pang-turismong inisyatibo ng pibadong mamamayan, gaya ng Roheim Farm and Wellness Resort sa Colisao, ang Greentop Organix sa Lipit-Tomeeng, ang Hobbit Farmville sa Lipit Tomeeng, asinan sa Tiblong, Rupa-rupa sa Tiblong kung saan makikita ang kabuuan ng Lingayen Gulf, at ang hanging bridge sa Taloy,Tempra Guilig.

 Nakatakda ring i-develop ng kongresista ang PTA Beach resort,ang industriya ng tupig at Tupig Lane sa Damortis-Tocok road.