P242-M Budget ng Dasol sa Taong Ito

Ni Mortz C. Ortigoza, MPA

DASOL, Pangasinan – Ang progresibong first class na bayan na ito sa western Pangasinan ay may P241, 964, 934.00 na budget para sa taong 2026.

Ani Mayor Rizalde “Sadong” J. Bernal na isinalang noong Marso 11 ang nasabing pondo sa mga mambabatas ng lalawigan sa Kapitolyo sa Lingayen para sa kanilang pagsusuri  kung itong P242 milyon na pondo ay tugma sa mga batas sa bansa nang gawing Resolution ito dito.

“Layunin ng pagdinig na ito na maipresenta at maipaliwanag ang ating inihandang budget para sa bayan, na siyang susuriin ng Sangguniang Panlalawigan bilang bahagi ng proseso ng pag-apruba. Tinitiyak natin na ang bawat pondo ay maayos na nakalaan para sa mga programang makakatulong sa patuloy na pag-unlad ng ating bayan at sa kapakanan ng bawat Dasolan,” ani Mayor Bernal sa kanyang Facebook Page.

Aniya, kasama niya si Vice Mayor Edgardo Fontelera at mga miyembro ng Sangguniang Bayan para idepensa ang bagong budget nila.

May annual appropriation budget ang bayan na ito -- na kilala sa industriya ng table salt – na P212,060,248.73 noong isang taon. Nag-supplemental budget pa ito ng P20, 209, 355. 84 sa nasabi ring taon.

 “Patuloy nating isinusulong ang maayos, transparent, at responsableng pamamahala ng pondo ng ating bayan,” dagdag pa ni Mayor Bernal.

Sa ilalim ng updated classification ng Department of Finance, ang mga munisipyo sa buong bansa ay naka-kategorya sa five classes ayon sa mga saklaw ng kanilang mga kita:

* 1st class – P200 million or more

* 2nd class – P160 million to less than P200 million

* 3rd class – P130 million to less than P160 million

* 4th class – P90 million to less than P130 million

* 5th class – less than P90 million

Merong labing walong barangay ang bayan na ito na isa sa kinikilalang mayaman na munisipyo sa First Congressional District ng Pangasinan.