Pagpaparehistro sa Pindang Grand Parade Nagsimula na

  MANGALDAN, Pangasinan - Nagsimula na noong Pebrero 2 ang pagpaparehistro para sa mga grupo, organisasyon, at institusyon dito na nais makilahok sa gaganaping Grand Civic Parade sa Marso 2 bilang opening salvo ng 2026 Mangaldan Town Fiesta at Pindang Festival.

Inaanyayahang ang mga interesado na magpatala sa Migrant Desk Office (MDO), 2nd Floor Mangaldan Municipal Hall mula Lunes hanggang Biyernes, mula 8:00AM hanggang 5:00PM, at hanapin si Ms. Carmela Velasquez.

Tampok sa grand civic parade ang mga delegado mula sa iba’t ibang pampubliko at pribadong sektor at kaabang-abang din ang partisipasyon at pagrampa ng mga kandidata para sa Miss Gay Pindang 2026.

Paalala ng 2026 Mangaldan Town Fiesta at Pindang Festival Executive Committee na libre ang pagpapalista sa parada. Ipinapaalala rin ng komitiba na responsibilidad ng mga lalahok na delegado ang paghahanda ng kani-kanilang mga sasakyan.

Pinapayuhin rin ang mga grupo na magdala ng kanilang sariling banner o tarpaulins dala ang pangalan ng kanilang grupo o organisasyon.

Hinihimok ni Mayor Bona Fe De Vera-Parayno ang buong suporta at pakikilahok ng lahat ng mga accredited civil society organizations (CSOs) sa bayan gayundin ang iba pang mga institusyon gaya ng mga pribado at pampublikong eskuwelahan, business establishments, at financial establishments.

Magtatagal ang registration hanggang Pebrero 25. (News source: 𝑴𝒂𝒏𝒈𝒂𝒍𝒅𝒂𝒏 𝑷𝑰𝑶)