Batang Celeste Aagawan ng Trono si Sual Mayor

 

 MATAPOS TALUNIN NI MAYOR SI EX-CONG. CELESTE SA BATTLE ROYAL

Ni Mortz C. Ortigoza

SUAL, Pangasinan – Nagparehistro dito kamakailan lang si dating Pangasinan Board Member Arthur Celeste, Jr. para agawin ang trono ng nakaupong mayor ng pinakamayamang bayan sa buong Pangasinan.

Former Pangasinan Board Member Arthur Celeste,Jr (left) and burgeoning town mayor Liseldo "Dong" Calugay.

Tinalo noong May 9, 2022 sa isang magarbo at maingay na mayorship election dito ni two-term mayor Liseldo ”Dong” Calugay ang tiyuhin ni Celeste na si dating Pangasinan 1^st Disrict Cong. Jesus “Boying” Celeste.

Si Celeste ay pinalitan bilang pinuno ng Philippines Councilors League - Pangasinan Chapter (PCL-PC) ni Carolyn Dizon-Sison kung saan awtomatiko siyang naging ex-oficio na miyembro ng provincial board matapos maghain ng resignation letter sa opisina ni Vice Governor Mark Ronald Lambino si Celeste sa pagiging Board Member ng Pangasinan 1^st District.

Nanalo si Celeste sa PCL–PC election kontra kay Councilor Antonio Perez ng San Manuel, Pangasinan noong September 9, 2022 kung saan siya ang naging pinuno ng 47 na mga bayan at mga siyudad sa lalawigan na may mga PCL chapters.

Bago magpa rehistro dito, nagbitaw muna si Celeste bilang elected city councilor ng Alaminos City dahil iyan ay naaayon sa batas bago ang isang Filipino ay maging kandidato sa alin mang elective public pusisyon sa ibang bayan.

Former Pangasinan Board Member Arthur Celeste, Jr. (extreme right photo), Sual Vice Mayor JC Arcinue (2nd from right) and Celeste's namesake and father Pangasinan 1st District Cong. Celeste (extreme left photo). Photo taken after the young Celeste filed recently his voter registration at the 19 villages' Sual town. Photo credit: Board Member Apple Bacay 

Ayon sa Local Government Code of the Philippines ang isang “elective local official must be… a registered voter in the… town…; a resident therein for at least one (1) year immediately preceding the day of the election… (Section 39)”. 

Ang batang wannabe mayor na kandidato dito ay anak ni Pangasinan 1^st District Cong. Arthur Celeste, Sr.

Ang namumuong labanan dito ay nakikita uli ng mga political experts na isang battle royal matapos gapiin ni Mayor Calugay si dating Congressman Boying Celeste sa isang magarbo, maingay at magastos na election noong May 9, 2022 kahit na daang milyong pesos ang bumaha dito sa projects at social services  galing sa pondo ni Congressman Noli Celeste.

Nakakuha si Calugay ng API ng 14,735 boto habang si dating congressman Celeste ng Nationalista Party ay merong 12, 125 na boto.

Matapos manalo na vice mayor ng matandang Celeste si incumbent Vice Mayor JC Arcinue, siya ay pinagpapalagay ng diyaryong ito na maging tandem uli ng batang Celeste sa susunod na taong election noong makita siyang kasama si Arthur Jr. noong nag file ito nag voter registration dito.