Pangalawang power plant malaking tulong sa bansa

               Ang pagpapatayo ng pangalawang coal-fired power plant sa bayan ng Sual, Pangasinan ay naa-ayon sa development program ng Pangulong Duterte.

Ito ang iginiit ni Mayor Roberto Bing Arcinue matapos mabalitaan na handang mamuhunan ang ilang malalaking negosyante sa Pilipinas mula sa China, South Korea, USA, Japan at ibang pang dako ng mundo.

COAL POWER PLANT

Sa kanyang pagbisita sa China noong nakaraang taon, ibinalita ng Pangulo na meron sampong Chinese companies ang mag-invest sa Pilipinas na nagkakahalaga ng humigit-kumulang sa nine billion US dollars o 467 billion pesos.

Dahil sa inaasahang pagdagsa ng mga investors, lubhang kinakailangan ang sapat na supply ng kuryente sa mas mababang halaga, ayon kay Mayor Arcinue na isa ring negosyante.

“Mahirapan ang ating ekonomiya na mapabilis ang paglago nito kung unstable ang power supply at napakamahal pa,” dagdag ng alkalde.

Ang singil sa kuryente sa Pilipinas ay pangatlo sa pinakamataas sa Asia at pang-labing anim sa buong mundo, ayon sa survey na isinagawa ng International Energy Consultants (IEC).

Ang isang malaking dahilan ay ang mababang power generation capacity, ayon pa sa naturang survey.

Naniniwala si Mayor Arcinue na ang lunas sa mataas na singil sa kuryente ay ang pagpapatayo ng karagdagang coal-fired power plant upang magkaroon ng sapat na supply at maiwasan na rin ang madalas na power interruption.

Mas murang malayo ang coal-fired power plant kaysa mga tinatawag na renewable sources of energy tulad ng solar power plant, windmill o geothermal plant.

Sinabi ni Mayor Arcinue na ang Korea Electric Power Company  (KEPCO) ay magpapatayo ng isa pang coal-fired power plant sa bayan ng Sual na may generation  capacity na 1,000-megawatts. Ang naturang proyekto ay nagkakahalaga ng humigit-kumulang sa two billion US dollars.

Walang problema sa pollution dahil gagamitan ang naturang planta ng modernong teknolohiya na kung tawagin ay ang ultra-super critical coal-fired power plant. Ito ay nagtataglay ng “High Efficiency Low Emission (HELE) Technology” na babawasan ang greenhouse gas emission ng humigit-kumulang sa 45 percent.

Bukod pa diyan, sinabi ni Mayor Bing Arcinue na magbibigay ng mahigit sa limang libong  trabaho sa mga mamamayan ng Sual ang nasabing pangalawang coal-fired power plant mula construction hanggang sa full operation.

Aabot sa 800 million pesos ang kikitain bawat taon mula sa naturang power plant na paghahatian ng bayan ng Sual, ng probinsiya, at barangay kung saan ipatatayo ito. (P.R)