Hanggang June 14 na lang ang Estate Tax Amnesty - BIR

MAGBAYAD NA KAYO!

 By Mortz C. Ortigoza

Nanawagan ang mataas na opisyal ng Bureau of Internal Revenue (BIR) sa mga namatayan ng kamag-anak na magbayad na hangang June 14 ng kanilang Estate Tax para maiwasan ang multa.

“Once you’ll not avail of that katakot-takot na penalties. Same kung matagal ng namatay kung ilang taon na siya so malaking penalty,” ani Revenue District Office No. 4 Chief Aldrin Camba.

Aniya dapat mailipat na sa pangalan ng tagapagmana ang pagaari ng sumakabilang buhay para maiwasan ang katakot takot na multa.

Ang Estate Tax ay karapatan ng namatay na ilipat ang kanyang pag-aari sa kanyang tagapagmana at benepesyaro at ibang paraan ng paglipat ng kanyang karapatan pag siya ay namatay na.

Ani Camba ang Amnesty na ito ay  nawalan ng bisa sana noong nakaraang taon at ang extention ngayong taon ay malaking tulong sa bulsa ng mga kapuspalad nating mga kababayan.

Dagdag pa ng mataas na opisyal na ang bayarin lamang sa ilalimn ng Estate Tax Amnesty (ETA) ay ang basic fee.

Kadalasan, ang hindi nakapagbayad na taxpayer ay minumultahan ng twenty-five percent surcharge, twenty percent interest per year at compromise penalty, ayon sa National Internal Revenue Code.

Sa ilalim ng Republic Act No. 11213 or the “Tax Amnesty Act”, executors, administrators, legal heirs, o mga beneficiaries ay may hanggang two (2) years lang sa pagiging epektibo ng Implementing Rules and Regulations ng nasabing batas o hanggang June 15, 2021 para mapakinabangan ang ETA. Pero ang hinding inaasahang pandemya ng corona virus -19 (COVID-19) at ang mga mabibigat na quarantine protocols ay naging dahilan para mahirapan ang mga taxpayers.

Ito ay naging rason para ang Kongreso ay magpasa ng extension habang ang gobyerno ay naghahanap ng mga pinagmumulan na mga buswis para patatagin ang kanyang kinokoleta sa mga tao.

Dahil dito ang pagbayad ng ETA ay pinahaba hanggang June 14, 2023 nakabatay sa amended Republic Act No. 11569 and per Revenue Regulations (RR) No. 17-2021 na ni-issue ng BIR noong August 3, 2021.