Dating abortion road sa Barangay Tebeng, Dagupan City, naging prosperity road na

Punung-puno ng pasasalamat ang mga residente ng Barangay Tebeng, Dagupan City sa pamilyang de Venecia sa pagresolba sa dating abortion road sa kanilang lugar dahil sa lubak-lubak na kalsada na sinemento na at tinawag ng prosperity road.

Pangasinan 4th District Congressman Christopher de Venecia is flanked by
Dagupan City Mayor Belen T. Fernandez and former 5-Time Speaker Jose
de Venecia and wife former Congresswoman Gina de Venecia during the
inauguration of the  2.2 kilometers Tambak-Tebeng Road in Dagupan City.

Sinabi ni Kapitana Helen Fermill sa inagurasyon ng Tebeng Road, Livelihood Center at Gazebo kanina, na lubos ang kanilang kasiyahan sa pagtugon sa kanilang kahilingan na gawin ang naturang kalsada dahil sa labis na perhuwesyong dulot nito sa mga dumadaan doon.

Sinabi ni 4th District Congressman Christopher de Venecia na ito ay katuparan ng kanilang ipinangako noong nakaraang taon matapos mapasinayaan ang karugtong nitong kalsada sa Barangay Tambac.

Sinabi pa ni Congressman Christopher de Venecia na kapag maganda at maayos ang kalsada, malaking tulong ito sa negosyo at pagdadala ng pangunahing serbisyo sa isang lugar.

“Mas mabilis na pag-unlad,maayos na connectivity ang magpapalakas sa koneskyon ng mga tao,”ayon pa kay de Venecia.

Idinagdag pa niya na ang proyektong ito ay pinasimulan ng kanyang ina na si Manay Gina de Venecia noong kongresista pa ito. Ayon naman kay Manay Gina de Venecia, malaking pasasalamat nito kay dating Pangulong Noynoy Aquino na pinakiusapan niyang pondohan ang naturang proyekto noong mag usap sila sa Urdaneta City noong 2016 sapagkat nais niyang maibsan ang hirap ng mga taong dumadaan sa naturang kalsada na tinawag noon na abortion road.

Agad namang tinawagan ni dating Pangulong Aquino si dating Public Works Secretary Rogelio Singson para sa agarang pagpapagawa ng kalsada.

“Isinama ni dating Pangulong Aquino sa kanyang priority projects, imbis na dalhin nya ang pondo sa Tarlac ay sa atin nya ibinigay para magawa ito,” ayon kay Manay Gina de Venecia.

Ang Tambac-Tebeng road project ay may habang 2.2 kilometro.

Sinabi naman ni Tambac Barangay Captain Willie Salayug na anuman ang dating sama ng loob na kanilang naramdaman noon ay nagamot na dahil sa pagsasa ayos ng kanilang kalsada.

Dagdag pa niya na labis ang kanilang pasasalamat sa pamilya De Venecia dahil sa sipag nilang maghanap ng pondo. Samantala, ipinarating naman ni Mayor Belen Fernandez ang labis nitong pasasalamat sa serbisyong 3-in-1 ng mga De Venecia para mas gumanda pa ang Unli-Serbisyo sa Dagupan na programa nito.--#