Esteves, Sumera Acting Mayor, VM ng Urdaneta City

 KAPWA MAMBABATAS NA NAGMATIGAS MAKAKASUHAN 

Ni Mortz C. Ortigoza, MPA

URDANETA CITY – Matapos ang halos tatlong buwang pagkaantala ng mga konsehales dito kung sino sa kanila ang hahalili sa sinuspendidong alkalde at bise alkalde, tinanggap na rin ng dalawang mambabatas noong Marso 28 ang Designation Order sa kanila ng Department of Interior and Local Government (DILG).

ACTING MAYOR. Urdaneta City Acting Mayor Rio Esteves (left) and Acting Vice Mayor Doc Bles Sumera.

Matapos pirmahan noong Marso 26 ang Order ni DILG Secretary Jonvic Remulla, si Rio Esteves at Doc Bles Sumera ay pormal na ring pumirma ng kanilang Acceptance Letter sa opisina ng alkalde dito noong Marso 31 na sinaksihan nila City Councilors Amado O. Veridiano, Onofre C. Gorospe, Aurelion L. Agsalud, Sr., Warren Andrada, at City Local Government Operation Officer Richard S. Real.

Pagkatapos ay inihayag na rin sa araw na iyon kung saan merong flag ceremony ng dalawa sa mga kawani ng pamahalaang panlungsod ang pagtanggap nila ng Letter.

Sa sipi ng liham ni Region 1 DILG Director Jonathan Paul L. Leusen, Jr. kay Remulla, sinabi niya: “Further, with the official assumption of local officials as Acting Mayor and Vice Mayor, may we earnestly request guidance on what will be the next action for the PNP Personnel manning the old and new city hall of Urdaneta City, Pangasinan.”

Si Esteves at Sumero ay numero otso at numero siyam sa labingdalawang mambabatas dito. Nahaharap ang mga kasamahan nila sa kasong Dereliction of Duty sa hindi pagtanggap ng utos ng DILG noong Enero pa na palitan nila pansamantala si Mayor Julio F. Parayno III at ang pinsan niyang si Vice Mayor Jimmy Parayno.

Ang labingdalawang konsehales ay kaalyado ng mga Parayno.

Si Mayor Parayano at Vice Mayor Parayno ay nakasuhan ng kasong Grave Abuse of Authority at Grave Misconduct na pinirmahan ni Executive Secretary Lucas Bersamin noong Enero 3, 2025. Sinuspende sila ng Office of the Philippines President ng isang taon magmula noong Enero 7 noong isinilbi ng DILG sa tanggapan ng dalawang Parayno.

Kahit na binarikadahan na ng mga kapulisan ang tanggapan ng dalawa noong Pebrero 4 ay patuloy pa rin silang nagsisilbi ng tungkulin nila. Ang pagmamatigas ng dalawa na bumaba ay magiging dahilan na sila ay makakasuhan ng Usurpation of Authority or Official Functions (Article 177 Revised Penal Code) at Falsification of Public Documents (Article 171).

Binalaan ni Atty. Romeo P. Benitez, Undersecretary for External, Legal and Legislative Affair, si Councilors Francis del Prado at Warren Andrada ang numero uno at numero dos  na may pinakamaraming boto na nanalo sa Mayo 2022 eleksyon noong mga nakaraang buwan na ang kabiguan nilang sundin ang utos ng batas na umupo sila sa nasabing pwesto ay maging “ground for criminal and/or administrative sanction”.

Ang kasong administratibo ng dalawang magpinsang Parayno ay hango sa “OP-DC Case No. K-090 entitled Michael Brian M. Perez vs. Mayor Julio F. Parayno III and Vice Mayor Jimmy D. Parayno” kung saan ni indefinite suspended ni Mayor Parayno si Liga ng mga Barangay (LNB) President at San Vicente Punong Barangay Perez dahil sa June 14, 2022 na Manifesto ng 33 sa 34 na Punong Barangay ng lungsod na ito para alisin siya na LNB President.