Team Sam Ikinasa ni Rosario vs. Merrera, Doble' Otso Puntirya Niya

 BINMALEY’S POLITICS

Ni Mortz C. Ortigoza

BINMALEY, Pangasinan – Dalawang otso ang napagkasunduan ng isang kandidato sa pagka alkalde at ng kanyang kapartido para sa paghain ng Certiciate of Candidacy (CoC) sa Oktubre 1 -8 ngayong taon.

Ani Vice Mayor Simplicio “Sam” Rosario na ang Team Sam niya ay maghain ng CoC eksakto alas otso ng umaga ng Oktubre 8 -- ang huling araw ng walong araw na kinakailangan ng Commission on Election (Comelec) sa filing ng kandidatura sa buong Pilipinas.

TEAM SAM. Binmaley Vice Mayor Simplicio “Sam” Rosario (4^th from left) and former Vice Mayor Edgar Mamenta (5^th from left) proudly introduced to the public their ticket that includes seven wannabe councilors for the May 12, 2025 election. Rosario and Mamenta, respectively, are running for the mayorship and vice mayorship of the first class coastal town in central Pangasinan. The endorsement ensues during the Inter-Barangay Basketball League’s Awarding Night held recently at Rufina’s Square Restaurant & Events Place in the town.

“Sa pag hain namin sa Oktubre 8 kung may oras punta kayo. Merong mass ng 6:30 ng umaga at pagkatapos nito before 8 o’clock eksakto nasa Comelec na kami. Para di kami maunahan magpapautos na ako bukas para mareserba ang misa sa simbahan sa 6:30 AM. Punta kayo doon!”, ani Rosario, na dating alkalde dito ng labing limang taon, sa salitang Pangasinan sa mga liders at mga taga suporta niya noong namigay siya ng parangal sa Inter-Barangay Basketball League’s Awarding Night at ang pag endorso niya sa mga ka-ticket niya noong Sabado ng gabi dito sa Rufina’s Square Restaurant & Events Place. Kasama ng dating alkalde sa kaganapan sina dating bise alkalde Edgar Mamenta at Councilors Ariel dela Concha at Buday Cagaonan.

 Noong tinanong siya ng writer na ito kung may impluwensya ang Fengshui, pamahain, ritwal, o ano pa gaya sa mga ginagawa ng mga ibang kandidato kung kailan maghahain sila ng CoC nila, sagot ng Bise Alkalde na wala kundi bunga ito sa pinagusapan ng mga ka-tiket niya.

Babanggain ni Rosario ang mahigpit na kaaway at karibal niya sa pulitika na si reelective Mayor Pedro “Pete” Merrera. Ang dalawa ay nagbabatuhan ng demandahang administratibo at kriminal at mga maaanghang na mga salita mula nang sila ay maupo sa mga posisyon nila noong hapon ng Hunyo 30, 2022.

“Wala pang kandidato (sa kasalakuyan) sa pagka bise alkalde si (Mayor) Pete,” ayon kay Rosario sa mga reporters na inimbita niya.

Biniro pa ni Rosario si dating Bise Alkalde Edgar Mamenta na kandidato niya sa ikalawang mataas na elective na pusisyon dito na masuerte siya dahil mukhang wala siyang kalaban sa pwestong tatakbuhan niya.

Isa sa mga rasones dito ay matapos pagsabihan ni Pangasinan 2^nd District Cong. Mark O. Cojuangco si Councilor Aning Alipio na huwag nang tumakbo sa pagka bise alkalde at magpapapili na lang sa kasalukuyang pusisyon niya. Si Alipio at ang ama nito ay malapit na tagasuporta at tao ng congressman.

Noong Setyembre 13 sinabi ni Mayor Merrera sa writer na ito na ini-endorso siya ni Cojuangco at ni Pangasinan Governor Ramon V. Guico III sa Mayo 12 na eleksyon.

“The Governor is now endorsing Mayor Merrera for the mayoral election next year,” buong pagmamamalaking sinabi ni Merrera sa writer na ito.

Ipinaliwanag ng Punong Tagapagpaganap na “nasa process of observation” pa sila ng mga tagasuporta niya kung sino ang karapatdapat na magiging bise alkalde niya para sa Mayo 12, 2025 Election matapos tanggihan ni dating Vice Mayor Edgar Mamenta na magkasama sila sa halalan.

Isang may balak din na tumakbo para bise alkalde dito ay si dating Mayor Rolando Domalanta.

Ang buong ticket bukod sa isa na surprise candidate sa pagka konsehales ni Rosario ay ang mga sumusunod:

Mayor: Rosario; Vice Mayor: Mamenta; Councilors: Dela Concha at Cagaonan, Coach Rey Baustista, former Councilor Luis Austria, Ricky Samson, Brgy. Lope Ex-Kapitana Binalon, at Cedrik Francisco.

Buong pagmamalaking sinabi sa diyaryong ito ni Rosario na si Francisco ay "law graduate" noong tinanong siya kung mga propesyonal ang mga kandidato niya sa pagiging mambabatas.

“Kulang kami ng isa. Sino iyong isa” Secreto! Baka masulot pa ng kabila,” mariing sinabi ni Rosario sa daan daang mga tao na pumapalakpak at humihiyaw sa pagtitipon dito.

Bago tinapos niya ang talumpati sa entablado, bumanat pa si Rosario sa mga dating kasamahan niyang mga miyembro ng mayoryang konsehales na lumipat na kay Merrera. Aniya wala siyang kasalanan sa pag-iwan nila sa kanya. Iyong tatlo sa kanila ay mga inaanak pa mandin niya.

“No aya so Team Sam sikato ya so grupo ya angapo la lamang balimbing agda kela kelangan (Itong Team Sam ito iyong grupo na walang balimbing pag hindi ka na nila kailangan),” banat nito sa salitang Pangasinan na tinanggap ng isa pang ikot ng sigawan at masigabong palakpakan ng mga taga suporta niya dito.