Espino, Nacar Vs. Guico, Lambino sa 2025 Eleksyon

 Ni Mortz C. Ortigoza

 TINULDUKAN na ng dating gobernador ng Pangasinan ang matagal ng haka-haka na siya ay tatakbo o hindi sa pagka gobernador laban kay nanunungkulang Governor Ramon Guico III sa Mayo 12, 2025 election pagkatapos niya e anunsyo sa Bugallon kanina na sasabak siya muli sa pulitika.

DUKE OUT. Former Pangasinan Governor Amado “Pogi” Espino III (center of left photo) and former Dasol Mayor Noel Nacar (far left of left photo) declare to the public their intention to challenge Pangasinan Governor Ramon “Monmon” Guico III (right of right photo) and Vice Governor Mark Ronald Lambino for the May 12, 2025 election. Filing of the certificate of candidacy (CoC) of all elective candidates in the Philippines for the 2025 election will be on October 1 to 8 this year.   

Ani Amado “Pogi” Espino III at ng kanyang ama na si dating Pangasinan Governor at Congressman Amado Jr. na noong makita nilang walang lalaban kay Guico nitong mga nakalipas na linggo ng Setyembre ay napagdesisyunan ng pamilya na sasalang ang batang Espino sa pagka gobernador at ang matandang Espino sa pagiging number one nominee ng partylist na Abanse Pangasinan Ilokano (API).

Nangyari ang press conference sa Riverside Resort and Restaurant na pag-aari ng pamilya hapon ng Lunes.

Kasama ni dating gobernador Pogi Espino si dating Dasol Mayor Noel Nacar na tatakbong bise gobernador laban kay Vice Governor Mark Ronald Lambino.

Walang dalang kandidatong pagka alkalde ang mga Espino. Halos lahat ng mga aktibong mga mayor sa 44 towns at 3 cities ng dambuhalang probinsiya ay nanumpa na kay Guico sa pagiging miyembro ng Nationalista Party na pinamumunuan niya sa lalawigan. Marami dito sa mga alkalde ay kaalyado ng mga Espino noong namamayagpag pa sila ng 21 taon sa Kapitolyo sa Lingayen.

Ang mga kandidatong board members ni Espino ay sina Richard Camba (First District), dating Board Member Nikiboy Reyes (Second District), dating Calasiao Mayor Joseph Arman Bauzon (Third District), dating Mangaldan Councilor Aldrin Soriano (Fourth District), at Hero Sumera (Fifth District).  

Ang mga kandidatong board members naman ni Guico ay sina Board Members Apolonia DG Bacay at Napoleon Fontelera, Jr. (First District), Board Members Haidee Pacheco at Philip Theodore Cruz (Second District), Board Members Shiela Baniqued at Vici Ventanilla (Third District), Board Members Marinor de Guzman at Jerry Agerico Rosario (Fourth District), Board Member Louie Sison at dating Urdaneta City Councilor Isong Basco, at dating Board Member Shiela Perez-Galicia, dating San Nicolas Mayor Vicky Saldivar, Noel Bince, at dating Rosales Mayor Ric Revita (Sixth District).

Ani Espino na hindi na siya magpapatakbo sa Pangasinan 6^th District ng miyembro ng Sangguniang Panlalawigan dahil apat na ang maguumpugang kandidato para sa Board doon.

Tinalo ni Guico si Espino noong May 9, 2022 eleksyon ng may margin na 187, 807 votes sa 1, 582, 737 na mga botante o 1,592, 189 botos pag isinali ang ikatlo at ikaapat na katungali nila.

Tinalo ni Lambino si Reyes ng may lead botos na 327, 727 sa 1, 428, 189 na mga botante.

Hindi pa rin matanggap ng matandang Espino sa pagtitipon sa Bugallon ang pagkatalo ng anak niya sa pagka gobernador na sinisisi niya sa “mahiwagang pangyari sa eleksyon” noong  2022.

Sa desisyon ng Supreme Court noong Agosto 17, 2023 ibinasura nito ang Petition for Certitorari at Mandamus na nisampa ni Claryln A. Legaspi at mga kasamahan sa Commission on Election (Comelec) tungkol sa 2022 eleksyon sa Pangasinan. Sa pagbasura ng petisyon nila, ani ng Mataas na Hukuman na “…that an actual case or controversy must exist for the Court to exercise its power of judicial review”.

In short, walang dayaan, hukos pukos, mahika, katarantaduhan o ano pa na nakita ang Korte.

Si Espino at Nacar ay maghahain ng certificate of candidacy (CoC) sa Comelec sa Oktubre 5 habang si Guico at Lambino ay maghahain ng CoC nila sa Oktobre 2. Ang CoC filing ay mangyari lamang sa Oktubre 1 hanggang 8 ngayong 2024.