Gen. Caramat Namahagi ng Patrol Cars sa Tersero Distrito

 Ni Mortz C. Ortigoza

DAGUPAN CITY – Malaking bagay kontra sa mga masasamang loob ang anim na bagong patrol cars na ibinigay ng gobyerno kamakailan lang na pinangunahan ni Police Major Gen. Romeo “Bong” Caramat, Jr..

Ang anim na sasakyan ay pinamahagi ng pinuno ng Area Police Command (APC) - Northern Luzon Major Gen. Caramat, 55, sa siyudad ng San Carlos City at mga bayan ng Calasiao, Sta. Barbara, Mapandan, Malasiqui, at Bayambang.

NEW POLICE CARS. (Top left photo and clockwise) An all-smile Police Major Gen. Romeo "Bong" Caramat, Jr. watches as the distribution of the new police cars ensue at the one city and five towns' Pangasinan 3rd Congressional District ensue. Photos are internet grabbed.

“Ito ay magpapalakas pa sa kapayapaan at kaayusan sa ating bayan. Maraming salamat, General Bong Caramat, from the bottom of our hearts," saad ni Mapandan Mayor Karl Christian F. Vega sa kanyang Facebook Page.

“Ingatan at alagaan po natin ang ating mga bagong sasakyan para matagal nating magamit ang mga ito para sa ating mga kababayan,” ani Sta. Barbara Mayor Lito Zaplan sa miyembro ng kapulisan sa kanyang bayan.

"Ako'y naging instrumento lamang ng Camp Crame (headquarter ng Philippine National Police) upang magkaroon kayo ng bagong patrol car, bilang tulong at pasasalamat sa ating mga kapulisan," ani ng Heneral noong ibinigay ang bagong sasakyan sa Mapandan.

Ang Heneral ay ipinanganak sa Barangay Golden, Mapandan pero nagkabahay na sa Calasiao noong naging kabiyak niya si Maya Agustin-Caramat na naging alkade ng Calasiao. Si Caramat ay nag-aral ng high school sa isang private school sa Mangaldan, nagtapos sa Philippine Military Academy noong 1992 at naitinalaga sa iba’t ibang bayan at siyudad sa Pilipinas kung saan siya nakipaglaban sa mga rebelde at mga masasamang loob ng lipunan.

Ang mga naging major na designasyon ng dugong Pangasinense ay pagiging intelligence officer ng Police Provincial Office sa Pangasinan, hepe ng Dagupan City Police, director ng Bulacan Provincial Police Office,  Hepe ng Police Drug Enforcement Group (PDEG) na nakabase sa Camp Crame,  Director ng  Police Regional Office sa Caraga Region (PRO-13)  na may hurisdiksyon sa mga lalawigan ng  Agusan del Norte, Agusan del Sur, Dinagat Islands, Surigao del Norte, at Surigao del Sur, Deputy Chief ng Director for Intelligence ng buong pambansang kapulisan na nakabatay sa Camp Crame, hepe ng Criminal Investigation Detection Group, at ang kanyang kasalukuyang posisyon na hepe ng APC-Northern Luzon.

 Siya ay magreretiro ngayong Oktobre Dos.

Ama siya ni Calasiao Liga President at ex officio member ng Sangguniang Bayan Patrick Caramat, 26, - isang visionary na renaissance man - na inendorso ng lahat ng mga political heavy weights sa mayamang bayan sa pagiging alkalde sa Mayo 12, 2025 eleksyon.