Fake News ang P280-M na May Loan si Bona

 

Ni Mortz C. Ortigoza

MANGALDAN, Pangasinan - Mariing pinabulaanan ng Alkalde dito sa thriving first class town na may loan sa bangko na P280 million ang local government unit (LGU).

MANGALDAN Mayor Bona Fe D. Parayno (center) exhorting her department heads what should be the best services they can render to her beloved Mangaldeneans. PIO- Mangaldan

"Hindi totoo iyan!" tugon ni Mayor Bona Fe D. Parayno noong kapanayamin siya ng Northern Watch Newspaper sa kumakalat na mga black propaganda sa social media na gawa ng mga trolls ng mga kalaban niya.

Ani ng isang department head na ayaw magpabanggit ng pangalan na kung susumahin ay P250 million lang ang loan na ni kontrata ng tatlong dumaang Alkalde dito.

Umutang sa banko si dating Mayor Herminio Romero ng P60 million, Mayor Bona ng P40 million noong term niya noong middle of 2010's, at Mayor Marilyn Lambino ng P150 million.

Ani Mayor Parayno bayad na iyong utang ni Romero at noong unang term niya (Bona) na ginastos sa pampaganda at konstruksyon ng palengke sa bayan. Kasalukuyan niyang binabayaran ang P150 million na loan ni Mayor Lambino.

"Actually noong pag dating ko dito ako ang unang nagbayad doon sa loan nila (Lambino) kasi meron silang nakuha sa bangko na in two years time babayaran kaya ako ang unang nagbayad sa kanila," sambit ni Parayno na pumalit kay Lambino noong June 30, 2022 noong talunin ng una sa rematch nila ang huli noong May 9, 2022 election.