Pinas nahaharap sa matinding power crisis

Halos araw-araw may brownout sa iba’t ibang parte ng ating bati, pati na dito sa ating lalawigan. Kung hindi gagawa ng hakbang ating gobyerno, baka maulit yong power crisis noong panahon ng panunungkulan ni Pangulong Corazon Aquino na halos araw-araw ay brownout na nagtatagal mula lima hanggng sampung oras.

            Kaya pag-upo ni Pangulong Fidel Ramos ang paglutas sa naturang krisis sa kuryente ang isa sa mga top priorities ng kanyang administrasyon. Ang paglutas ng naturang problema ang isa sa mga matibay at makahulugang legacy ng Ramos Administration. Pinagtuonan ng pansin ni FVR ang pagpapatayo ng karagdagang power plant, kabilang na ang Sual Coal-Fired Power Plant na may generating capacity na 1,200 megawatts at ang San Roque Hydropower plant na may generating capacity na humigit-kumulang sa 300 megawatts.

            Sa pamamagitan ng mga bagong power plant, nabigyan ng solusyon ni President FVR ang matinding power crisis sa bansa.  Pero ngayon, sinasabi ng mga dalubhasa sa larangan ng energhiya na napipintong magaganap uli ang power crisis kung walang maipapatayong karagdagang power plant.

            Isipin natin, marami sa mga existing power plant ang malapit ng mag-expire. Katulad na lamang ng Sual Power Plant na noon pang 1996. Ang planning sa naturang power plant ay nagsimula noong 1992.  Sinasabing ang average life span ng isang power plant ay 40 years kung kaya’t meron na lamang natitirang 7 years bago na-decommission ang naturang planta. Apat hanggang limang taon ang kailangan para sa pagplano at pagpapatayo ng isang power plant, mas higit pa kung ito ay hydropower plant.

            Hindi kataka-taka na halos karamihan sa mga power plant sa bansa ay mailimit na ang maintenance work sa mga ito na siyang isa sa mga malaking dahilan kung bakit madalas nagaganap ang brownout o power interruption.  Kung kaya’t napipintong mangyaring muli ang power krisis noong panahon ni President Corazon Aquino kung walang karagdagang power plant ang tatayo, lalo lalo na ang coal-fired.

            Ito ang dahilang kung bakit ang mga utility experts tulad ni Ginoong Allan Ortiz, dating pangulo ng National Grid Corporation of the Philippines, at maging si dating Senate president Juan Ponce Enrile ang nagsasabing kinakailangan na ng ating bansa ang magpapatayo ng karagdagang power plant, ngayon na! Sinabi nila na hindi lamang mga skyway, tulay, subsay at ibang malalaking infrastructure projects ang gagawin ng gobyerno kundi kailangan din natin ang BUILD, BUILD, BUILD program sa mga baong power plant katulad ng pangalawang coal-fired power plant sa bayan ng Sual na may generating capacity na 1,000 megawatts.

            Ang naturang proyekto na binabalak na ipatayo ng Korean Electric Power Corporation ay nagkakahalaga ng humigit-kumulang sa two billion US dollars. Ang state-of-the-art coal-fired power plant ay gagamitan ng advanced technology upang maiwasan ang pollution.

Ito ay ikinatuwa ng maraming mamamayan ng bayan ng Sual dahil nangangahulugan ito ng dagdag na humigit-kumukulang sa dalawang libong trabaho sa mga mamamayan doon.

Magkakaroon din ng humigit-kumulang na P800 million karagdagang revenue bawat taon para sa probinsiya, sa bayan ng Sual, at Barangay Baquioen na kung saan planong ipapatayo ang naturang planta ng kuryente.

Sumang-ayon din ang project proponent na bigyan ng discount sa singil ng kuryente ang bayan ng Sual bilang host municipality.

Sa pamamagitan ng karagdagang pondo na manggagaling sa pangalawang power plant, maipapatupad ng municipal government ang mga mahalagang proyekto tulad ng hospital, seaport, agricultural modernization, expanded scholarship program para sa kabataan, resettlement project para sa lahat ng informal settlers, at iba pa.

Ang bayan ng Sual ay binansagang Energy City of Pangasinan sa pamamagitan ng resolution ng Sangguniang Panlalawigan na suportado ni Governor Amado Pogi Espino III.