AICS Malaking Tulong sa Harap ng Mataas na Bilihin

By Mortz C. Ortigoza

MANAOAG, Pangasinan - “Sa taas ng presyo ng mga bilihin ngayon, malaking tulong ang cash payout sa ilalim ng Assistance to Individuals in Crisis Situation (AICS) mula sa Pamahalaang Panlalawigan sa pamumuno ni Governor Ramon "Monmon" Guico,” ani ng Alkalde ng pilgrimage town sa kanyang Facebook Page.

Sinabi ni Mayor Jeremy Agerico “Doc Ming” B. Rosario na nagtungo ang Gobernador dito sa kanyang tangapan kamakailan para pag-usapan ang mga nakalinyang programa at proyektong gagawin ng Kapitolyo.

Ang AICS o Assistance to Individuals in Crisis Situation ay isa sa mga social welfare services ng Department of Social Welfare & Development (DSWD) na nagbibigay ng tulong medikal, pampalibing, transportasyon, edukasyon, pagkain, o tulong pinansyal para sa iba pang support services o pangangailangan ng isang tao o pamilya

Layunin ng AICS Program na tulungan ang mga mahihirap nating kababayan na sumasailalim sa krisis upang matugunan sa kanilang mga pangangailangan.

Ang AICS’s assistance ay ang mga sumusunod:

· *Medical Assistance * Funeral Assistance * Educational Assistance

·*Transportation Assistance *Food Assistance *Cash Assistance for Other Support Service

"Maraming salamat po, Governor Ramom “Monmon” Guico, III sa inyong patuloy na pagmamahal at suporta sa aking mga kababayan dito sa Manaoag,” sambit ni Rosario na isang medical doctor.