Puntirya ng Mangaldan: “1st Triple-A Slaughterhouse” sa Pinas

MANGALDAN, Pangasinan - Para lalong mapaganda ang local meat industry sa first class town na ito at sa karatig siyudad at mga bayan, layunin ni Mayor Bona D. Parayno na maging kaunaunahang “AAA abattoir” ang Mangaldan sa mga local government unit (LGU) sa buong Pilipinas

Sinabi ito ni Mayor Parayno sa isang preliminary meeting sa kanyang opisina dito noong nakaraan kasama sina National Meat Inspection Service (NMIS) Region-1 Director Dr. Orlando C. Ongsotto at Senior Meat Inspection Control Officer (SMICO) Dr. Rosario DG. Renton.

MANGALDAN MAYOR Bonafe D. Parayno (extreme left) confers with National Meat Inspection Service (NMIS) Region-1 Director Dr. Orlando C. Ongsotto for the bid of the former to have a Class 'AAA' abattoir in her burgeoning town. After the financial grant she requested will be granted by the Philippine Rural Development Project (PRDP) through the Department of Agriculture, the central Pangasinan  town which is the leading slaughterhouse in Region-1 if not in Northern Luzon will be the first Triple A abattoir in the country among local government units. (Caption by Mortz C. Ortigoza)

Ayon kay Dr. Ongsotto, sa kasalukuyan walang accredited na Class ‘AAA” na bahay-katayan sa bansa na pag aari ng gobyerno. Lahat ng slaughter houses sa Pilipinas ay pribado ang may ari.

Bago makamit ang layunin na Triple A sa abattoir dito, kailangan ng LGU na mag benchmarking at mag study tours sa mga kilalang Class ‘AAA” accredited na bahay-katayan sa bansa gaya ng Tarlac Meatmasters of Pilmico Animal Nutrition Corporation (Pilmico) na makita sa Bamban, Tarlac, at Red Dragon Farm Feed, Livestock, and Foods, Inc. (RDFFLFI) sa Pampanga.

“Kung kaya nila [private-owned corporations] na mag-operate ng class ‘AAA’ slaughterhouse, I am sure that with everybody’s help, we can also achieve this goal... to be the first government-owned Class ‘AAA’ accredited abattoir sa buong Pilipinas,” ani Mayor Bona.

Naka-kasa na ang paghahanda ng bayan na ito sa pag proseso ng financial grant na alok ng Philippine Rural Development Project (PRDP) sa pamamagitan ng Department of Agriculture. Oras na maipagkaloob, ang pondo ay mapupunta sa reconstruction at expansion ng kasalukuyang slaughter house para makamit nito ang pagkilala bilang Class ‘AAA’ na bahay-katayan.

Samantala, nagbabala ang NMIS sa mga lumalabag at mga may ari ng slaughterhouse tungkol sa regulasyon sa pagkatay ng mga hayop, kabilang dito ang flooding o ang excessive hydration para mapabigat sila. Ani NMIS ang ‘flooded’ meats ay puweding magdulot ng pagkasira na maging mapanganib sa kalusugan ng mga mamimili.

Ang mapatunayan ay mapaparusahan sa ilalim ng Animal Welfare Act of the Philippines (Republic Act 10631, or the Amended RA 8485), the Meat Inspection Code of the Philippines (RA 10536, or the Amended RA 9296), at ng Consumer Act of the Philippines (RA 7394). Sila ay makakasuhan din sa paglabag ng regulasyon ng DA Administrative Order No. 15 series of 2006. (MCO)