PNP, Basista Mayor Pinasinayaan ang Pabahay at Palikuran

By Mortz C. Ortigoza

BASISTA, Pangasinan - Pinasinayaan kamakailan sa bayan na ito ng Pangasinan Police Provincial Office (PPO) sa pamumuno ni Police Director Col. Jeff E. Fanged at ni Basista Mayor Jolly R. Resuello ang “Pabahay at Palikuran ng Pulis” Project.

APPRECIATION. A female recipient of the Certificate of Appreciation given to her by the Philippines National Police because of her laudable services to the “Pabahay at Palikuran ng Pulis” Project. She is flanked by Pangasinan Police Provincial Office Director Jeff E. Fanged and Basista Mayor J.R Resuello at a ceremony held recently in the landlocked town.

Ang “Pabahay at Palikuran” ay bahagi ng 5Ps o Patubig, Pailaw, Pabahay, Pantawag at Palikuran ni Juana na isang impact project ng Police Regional Office-1 (PRO-1) na nakabase sa San Fernando City, La Union.

Isa sa mga layunin nito ay ang pagsugpo ng gobyerno sa problemang insurhénsiya sa bansa.

Dinaluhan ni Mayor Resuello, Col. Fanged, Faith Based Community Advisers at iba pa ang Ceremonial Turn-Over ng Pabahay at Gift Giving Activity na ginanap noong April 24, 2023 sa Brgy. Poblacion dito. Ang programa ay alinsunod sa PRO1 Flagship Program na 5Ps na sinimulan ng Basista Police Station sa ilalim ng pamumuno ni acting Police Chief Capt. Hermie S. Raymundo.

Ang turn-over ng nasabing proyekto ay tinanggap ni Mr. Rogelio Miranda, isang 59 taong gulang na solo parent na may tatlong anak na nakatira sa ilalim ng kanyang pangangalaga at walang permanente o matatag na trabaho para masuportahan ang mga pangunahing pangangailangan ng kanyang mga anak.

Iginawad din ang Certificate of Appreciation para kay Ms. Anita DG Poquiz at sa mga Community Advisers. 

Kasabay ng nasabing aktibidad ay ang gift giving activity sa tatlumpu't tatlong pamilya mula sa iba't ibang barangay ng munisipalidad bilang bahagi ng PNP Malasakit Program.

Isinagawa din ang pagbabasbas ng inisyu na Basic Assault Rifle Galil Ace22N 5.56, ang landmark na PNP Gazebo at I Love PNP Basista na pinangunahan ni Rev. Fr. Hernan Caronongan.