Mayor Bona, 3 Alkalde Meet M4GG

Ni Mortz C. Ortigoza

MANGALDAN, Pangasinan - Nakipag ugnayan kamakailan si Mangaldan Mayor Bona Fe D. Parayno at tatlong miyembro ng Mayors for Good Governance (M4GG) – Pangasinan Chapter sa Secretariat ng organisasyon noong bumisita ang huli sa lalawigan.

GOOD GOVERNANCE. Mangaldan Mayor Bona Fe D. Parayno (2^nd from left seated) and the three mayors of Pangasinan who meet with the Secretariat of the Mayors for Good Governance (M4GG) when the latter visited the mammoth province. (M4GG’s Photo)

Kasama ng alkalde ng first class town na ito sina Alaminos City Mayor Bryan Celeste, Rosales Mayor William Cezar at Aguilar Mayor Kristal Soriano. Ang apat na mga alkalde ay kasalukuyang nasa observer status sa M4GG.

Sumentro ang pakipagpulong ng mga mayors at ng Secretariat sa mga adbokasiya at inisyatibo ng M4GG. Ipinaalala din sa mga Pangasinan mayors ng huli ang mga responsibilidad nila sa pagiging isang bahagi ng organisasyon at ang pagsusulong ng mabuting pamamahala sa kanilang mga komunidad.

“Ibinahagi natin sa mga alkalde ang ating anti-corruption efforts tulad ng Report INFRA at ang multisectoral, citizen-led investigation sa mga anomalous infrastructure projects. Gayundin, iprinisinta natin ang mga plano ng M4GG upang hasain pa ang leadership skills at i-empower ang mga alkalde bilang good governance advocates,” ani ng Secretariat sa Facebook Page ng M4GG.

Ang mga ibang miyembro ng grupo sa dambuhalang lalawigan ay sina Manaoag Mayor Jeremy “Doc Ming” Rosario (Presidente ng League of Municipalities in the Philippines – Pangasinan Chapter), Dasol Mayor Rizalde Bernal, Anda Mayor Joganie Rarang, Mangatarem Mayor Jensen Viray, at San Quintin Mayor Farah Lee Lumahan.

 Sa 1,642 na lungsod at bayan sa Pilipinas, 179 lang ang kasapi ng M4GG magmula ng itatag ito noong Agosto 24, 2023. Ang mga convenors nito ay sina Pasig City Mayor Vico Sotto, Baguio City Benjamin Magalong, Isabela City, Basilan, Sitti Djalia Hataman, at Quezon City Joy Belmonte.

“Nagpapasalamat tayo sa Pangasinan mayors sa kanilang pakikiisa sa ating krusada. Tuluy-tuloy ang ating pag-iikot sa buong bansa upang makadaupang-palad ang iba pang mga alkalde na nagsusulong ng mabuting pamamahala,” ani ng Secretariat.