𝟭𝟮 𝗣’𝘀𝗶𝗻𝗮𝗻 𝗠𝗦𝗠𝗘𝘀 N𝗮𝗴𝗵𝗮𝗵𝗮𝗻𝗱𝗮 𝗻𝗮 𝗽𝗮𝗿𝗮 𝘀𝗮 𝗠𝗮𝗻𝗶𝗹𝗮 𝗙𝗔𝗠𝗘 𝟮𝟬𝟮𝟱

Puspusan na ang preparasyon ng 12 Micro, Small, and Medium Enterprises (MSMEs) mula sa Pangasinan para sa ikatlong taon na pagsali ng lalawigan sa prestihiyosong international trade show na Manila FAME.

PROJECT Abound’s head Dr. Arlyn Grace Guico prepares the 12 Micro, Small, and Medium Enterprises (MSMEs) owners in Pangasinan to show case their crafts for the Manila FAME on October 16-18 this year to be held at the World Trade Center in Metro Manila. Dr. Guico’s son Pangasinan Governor Ramon III gives his all out support at the Manila FAME since he assumed office in 2022. TEXTS BY MORTZ C. ORTIGOZA

Nagsagawa ang mga kinatawan ng Pamahalaang Panlalawigan, Department of Trade and Industry (DTI), at Project Abound na pinamumunuan ni Dr. Arlyn Grace Guico, ng product development activity at field assessment nitong August 5–7, 2025 sa ibat-ibang bayan ng Pangasinan upang tiyaking handa para sa global market ang mga produkto ng MSMEs.

Kasama sa mga kalahok ang Olly + Fely by KNPH, RAJ Handicrafts, E-Kawayan Factory, Gemma's Souvenir Shop, Lapey Loom Weaving, Ilokana Handicraft, Women Empowerment Livelihood Association of Binalonan (WELAB), BLADES (Sworrubio & Marvin’s), Alma’s Handicraft, Aguinaldo Interiors, Bandulf Industries, at Crafter's Joy Cornhusk Products.

Buo ang suporta ng Pamahalaang Panlalawigan sa sektor ng MSMEs sa ilalim ng pamumuno ni Governor Ramon Guico III. Kabilang dito ang pagbibigay akses sa international expos tulad ng Manila FAME at IFEX, pagpapatupad ng mga programa at serbisyong pang-negosyo sa ilalim ng Project Abound, at pagpasa ng mga ordinansa para sa institutional support ng MSMEs, kabilang ang pagtatatag ng Pangasinan Trade Center.

Sa patuloy na pagtutok ng Pamahalaang Panlalawigan at ng Project Abound, layunin ni Gov. Guico na gawing investment hub ang Pangasinan sa mga susunod na taon.

“We are committed to make MSMEs as indispensable partners in promoting the Province of Pangasinan to the world. In so doing, we create more jobs, utilize our rich natural resources, multiply related industries, and maximize the benefits of health, education, and hospitality-based tourism,” saad ng gobernador.

Nakatakdang ganapin ang Manila FAME mula October 16-18 sa World Trade Center Metro Manila.

(Danna Laureano, JP De Vera | PIMRO)