𝗞𝗮𝘂𝗻𝗮-𝘂𝗻𝗮𝗵𝗮𝗻𝗴 𝗨𝗻𝗶𝘃𝗲𝗿𝘀𝗮𝗹 𝗛𝗲𝗮𝗹𝘁𝗵 𝗖𝗮𝗿𝗲 𝗙𝗮𝗶𝗿, I𝗻𝗶𝗹𝘂𝗻𝘀𝗮𝗱 𝘀𝗮 𝗕𝗶𝗻𝗺𝗮𝗹𝗲𝘆

 BINMALEY, Pangasinan  - Inilunsad ng Pamahalaang Panlalawigan ng Pangasinan, sa pamumuno ni Governor Ramon V. Guico III at sa pamamagitan ng Provincial Health Office, ang kauna-unahang Universal Health Care (UHC) Fair kamakailan dito.

Katuwang ang RHU Binmaley, layon ng aktibidad na ilapit sa mga residente ang iba’t-ibang libreng serbisyong medikal tulad ng mobile blood donation, dental at medical check-ups, mobile laboratory services gaya ng ECG at X-ray, at libreng bakuna. Tampok din ang mga informative booths hinggil sa mental health, WILD diseases at rabies, infectious diseases kabilang ang HIV at WASH, maternal at child care, family planning, at eye prevention program.

Namigay din ang Guico Administration ng food packs, nagpa-raffle, at namudmod ng educational materials. Sagot naman ng Guicosina Meals on Wheels ang mainit at masustansyang pagkain.

Dumalo sa programa sina Binmaley Councilor Vismark Valerio, Councilor Andong Ferrer, Dr. Jun Carrera, OIC Municipal Health Officer Dra. Rose Anne Padlan Ferrer, DOH Pangasinan Health Team Leader Dr. Veronica Guadiz-De Guzman, DOH Development Management Officer Ellaine Grace Navarro, Rural Health Unit Staffs at PHO employees.

Bilang isa sa mga pilot areas ng UHC implementation mula 2022, patuloy ang lalawigan sa pakikipag-ugnayan sa mga LGU upang maisulong ang pantay at dekalidad na serbisyong pangkalusugan para sa lahat. Sa pamumuno ni Gov. Guico, patuloy ang probinsya sa pagsusulong ng mas malusog na Pangasinan.

(Danna Laureano, Ervin Alcantara |PIMRO)