Exec. Order ng mga Alkalde Sakop ng SP sa Review- VG

Ni Mortz C. Ortigoza, MPA

LINGAYEN, Pangasinan – Sinabi ng bise gobernador ng dambuhalang lalawigan dito na kahit executive order ng mga alkalde ng mga component city at municipality ay dadaan pa rin sa pagsusuri ng Sangguniang Panlalawigan (SP) kung ito ay nababatay o hindi sa mga batas.

QUASI-JUDICIAL FUNCTIONARIES. Pangasinan Governor Ramon Guico III (2nd from right) is flanked by (from left to right) Provincial Government Administrator Ely Patague, Vice Governor Mark Lambino and a top honcho from the Land Bank of the Philippines. According to the law, the approval and disapproval of the Governor of the executive orders of the mayors under his jurisdiction and the reviews of the ordinances, resolutions, and executive orders by the provincial lawmaking body leads by Lambino are part of the quasi-judicial function of the duo.

“Kami ang inatasan mag review kasi nasa amin na ang existing na mga batas e, records ng mga ordinances, mga resolution. So pag may nakita kami na contrary iakyat namin sa Office of the Governor for appropriate action,” ani Vice Governor Mark Ronald Lambino sa writer na ito.

Nakapaloob sa Local Government Code (LGC) of the Philippines na bukod sa pagsusuri ng SP ng mga mga ordinansa at resolusyon ay sakop din nila ang mga executive order ng mga alkalde

 Sinabi ng LGC na “said review mechnanisms of ordinances and executive orders however limited only to determinining “whether or not these are within the scope of the prescribed power” (ultra vires) of the component local government unit’s Sanggunian or Local Chief Executive, ayon sa Sections 447, 458, at 468 ng LGC.

Ang ibig sabihin ng “ultra vires” ay utos ng alkalde na sa labas na ng kanyang legal power or authority.

Ani Bise Gobernador Lambino na pagnakitaan na saklaw sa labas ng batas ang executive order ay susulatan nila ang gobernador.

“Kung makita na contrary then magbibigay kami ng sulat sa executive kay Gov siya ang magsasabi kung kailangan o hindi”.

Ani ng Korte Suprema na ang di pag-apruba ng Sangguniang Panlalawigan sa isang review ng resolusyon at ordinansa ng municipal o component city dahil ultra vires ay isang quasi-judicial function nila. Isa ring quasi-judicial function ang utos ng gobernador na ultra vires ang executive order ng mga alkalde.

Dagdag ng Kataas-Taasang Hukuman kung ang mga alkalde ay di sumasang-ayon sa desisyo ng gobernador at sangguniang panlalawigan puede nilang iakyat ito sa mataas na korte sa pamamagitan ng Writ of Certiorari.

Ang writ of certiorari ay isang utos legal “from a higher court to a lower court (Sanggunian Panlalawigan o Office of the Governor) directing the lower court to send up the records of a case for review”.