Ayuda sa mga Mangsasaka, Mangingisda Binigay sa Taga-P’sinan

 

Sa patuloy na pamamahagi ng Presidential Assistance to Farmers, Fisherfolk, and Families (PAFFF-OP),1,492 na benepisyaryo ang nahandugan ng tig-sampung libong pisong pinansyal na tulong ngayong araw, ika-14 ng Agosto sa Ramon J. Guico Sr. Sports Complex and Civic Center sa Binalonan, Pangasinan.

Sila ay mula sa mga bayan ng San Fabian, Manaoag, Mangaldan, Alcala, Bautista, Binalonan, Laoac, Pozorrubio, Sto. Tomas, at Villasis.

Matatandaang sa pagbisita ng Pangulo nitong ika-19 ng Hulyo sa lalawigan, siya ay nagkaloob ng tseke na nagkakahalaga ng P48,760.000.00 bilang suporta. sa 4,876 na magsasaka, mangingisda, at kanilang mga pamilya na labis na naapektuhan ng nagdaang El Niño.

Labis na ipinagpasalamat ni Governor Ramon V. Guico III ang tulong mula sa pangulo.

“Sa mga panahong ito tinatawag po na gawat o ito ‘yong planting season lahat po tayo hirap sa puhunan ngayon kaya isa pong malaking tulong ito na ibinigay ng ating Pangulo sa pakikipagtulungan of course with the Provincial Government of Pangasinan at meron ding bababa through the initiative of the congressman of fifth district ang aking ama na si Cong. Monching Guico,” saad niya.

Magsasagawa pa ng distribusyon ng PAFFF sa mga susunod na araw.

Dumalo din sa programa si Vice Governor Mark Ronald DG Lambino, BM Jerry Agerico B. Rosario, MD, BM Marinor B. De Guzman, Rosary Gracia "Chinky" Perez-Tababa, BM Nicholi Jan Louie Q. Sison, SK Federation President-Pangasinan Chapter Joyce D. Fernandez, Mayor Ramon Ronald V. Guico, IV, Mayor Kelvin Chan, at Mayor Ricardo Balderas.

Ang distribusyon ay naging matagumpay dahil sa pakikiisa ng Department of Agriculture (DA), Department of Social Welfare and Development (DSWD), Provincial Agriculture Office (PAgO) sa pangunguna ni Provincial Agriculturist Dalisay A. Moya, Provincial Treasurer Cristy C. Catabay- Ubando katuwang ang ibat-ibang tanggapan ng Kapitolyo gaya ng Provincial Social Welfare and Development Office( PSWDO) na pinamumunuan ni Annabel Roque.

Sagot naman ng GUICOSINA ang masustansiyang lugaw para sa lahat ng mga dumalo. (Marilyn Marcial, Orlan Llemos|PIMRO)